مرحبا بنات
اليكم وسائل لعلاج الزهق داخل البيت ،وعلى فكرة تراها للبنات ..لان الولد اذا زهق
ركب سيارته وراح يفرفر ويستانس
--------
1- امسكي التلفون وكلمي صديقة من زمااان ماكلمتيها..واسترجعوا ذكرياتكم مع بعض
اول..منها راح تمشين وقتك ومنها راح تجددون علاقتكم ومنها تشغلين التلفون 12
ساعة
--------------------------------------
2- اطلعي الحوش ولا السطح وافرشيلك فرشة وانسدحي على ظهرك وتاملي النجوم
واسترخييييييي وتاملي؟!؟!؟
---------------------
3- قصي اطراف شعرك..كل مازهقتي روحي عند المراية وقصي الاطراف(بس شوي شوي منها)
..اراهن انكم بتصلعون على هالحالة
4- امسكوا المسجل..ودوروا فيه بالبيت وسجلوا اصوات العائلة وهم يسولفون وسجلوا
صوت شخير الوالد وسجلوا صوت الهواشات وكل شيء..
-------------------------
5- روحوا السوبر ماركت وامسكوا العربية ودوروا فيها وصقعوا بخلق الله وقولوا
:اووه آسفة مادريت
-----------------------
6- امسكي ريموت كونترول واحذفي كل المحطات من الرسيفر وارجعي حطيهم من جديد
(هذا وجهي ان رجعتي منهم شي )
------------------------------
7- تحدوا انفسكم تقعدون نص ساعة كاملة بدون ماتتكلمون مع اي احد او تفتحون
فمكم..نص ساعة طبعا بوجود الجميع (مااحد يقدر يسويها)
-----------------------------
8- امسكي منشفة وفكي الشبابيك ونظفيهم
-------------------
9-سوي عصير برتقال واشربيه ؟؟؟
--------------------
10-اقروا مجلة اطفال (ميكي وماجد)
--------------------
11-البسي ملابس رجال ثوب وغترة وخرعوا اهلكم !!
--------------------
12-افتحي نوتة التلفونات واختاري ارقام من العائلة ودقي عليهم وسوي حركة صلة
رحم..
--------------------
13-نظفوا ماسنجركم...سووا ديليت للناس اللي من زمان عنهم مادخلوا..وبلوك للناس
الثقيلين الدم
-------------------
14- روحوا مواقع بطاقات وارسلوا لصديقاتكم ..
------------------
15-ادخلي غرفتك وحطي مكياج كاامل كانك رايحة لعرس ولطخي وجهك تلطخ وتصوري
..حركة صح؟ ههههههههههههههه
----------------
16- امسكي دفتر تلوين اطفال واقعدي لوني ....... ههههههههههه
-------------------
17-اذا زهقتي افتحي دولاب ملابسك واقعدي قيسي ملابسك بدلة ورا الثانية يمكن
يجي الصبح ماخلصتي من كثرهم
--------------------
18-روحي المطبخ سوي كيكة (هذا وجهي اذا احد اكلها)
-------------------
19-سوي ايميل جديد واقعدي العبي على اللي تعرفينهم ..
-------------------
20-تعلموا لغة غريبة..مثلا كلمات معنية باحد اللغات واقعدوا اكشخوا فيهم
وتفلسفوا فيهم
----------------
21-اركبي السيارة وهي موقفة جوا البيت وكانك تسوقين
---------------
22-اطلعي وانزلي الدرج عشرين مرة .. منها تتمشين ومنها تنحفين ...... ذبحتكم القعدة
والفضاوة
--------------
23-اقعدي على الكومبيوتر وحوسيه زي العادة
--------------
24-اطلعي الحوش..وصيديلك حشرة لطيفة (عنكبوتة مثلا ) وحطيها بعلبة واقعدي
راقبيها..بس لا تخلونها وقت طويل عشان ماتتعذب والله من العطف عندكم يالبنات
----------------
25-اطلعوا حوشكم ..والعبي كورة..وكسري انوار البيت
---------------
ولا تنسوا قراءة القرآن
وأتمنى انها تعجبكم ولاتنسونـــي
من ردودكم يا حلوات
م
ن
ق
و
ل
![●●][ منتدى دانات المتوسطۃ 19 ][●●](https://i.servimg.com/u/f35/11/55/53/40/miss_m10.gif)
البوابة 
أحدث الصور 
